Zhangjiajie нь байгалийн өвөрмөц тогтоц бүхий сүрлэг чулуун уулс, манан будант оргилуудаараа дэлхийд алдартай аялал жуулчлалын бүс бөгөөд жуулчдын хамгийн их зорин очдог газрын нэг нь Tianmen Mountain буюу “Тэнгэрийн хаалга” юм. Уулын дунд байгалийн жамаар үүссэн аварга нүх нь тэнгэр өөд нээгдсэн хаалга мэт харагддаг тул ийн нэрлэжээ.
Тэнгэрийн хаалга руу хүрэх аялал өөрөө жуулчдад мартагдашгүй мэдрэмж төрүүлдэг. Аялагчид дэлхийн хамгийн урт уулын дүүжин замуудын нэгээр өгсөн үүлэн дундуур аялж, сүрлэг уулс, эгц хавцлыг тольдох боломжтой. Мөн уул өөд өгсөх алдарт “99 эргэлтийн зам” нь доороос харахад л гайхамшигтай үзэмж бүрдүүлдэг.
Уулын оройд хүрсний дараа жуулчид хадан ирмэг дагуу байрлах шилэн тавцангаар алхаж, өндөр уулын орой дээрээс байгалийн сүр хүчийг мэдрэх боломжтой. Жанжиажиэгийн энэхүү байгалийн цогцолбор нь сүрлэг уулс, манант оргил, адал явдал, гайхамшигт үзэмжийг нэг дор мэдрүүлэх онцгой аяллын бүс юм.


.webp)
.webp)



